DESH PREM

Banaya Tha Mali Ne Jo Chaman Badi Chaah Se,
Kaisi Giri Barq,Muskurata Chaman Jal Gaya,
Har Paudhe Ko Seencha Tha, Pyar Ke Ehsas Se,
Kyun Khilta Hua Phool,Pairon Se Masal Gaya,
Ugta Tha Jahan Muskurate Hue Suraj Har roj
Wo Suraj Kyun Waqt Se Pahle Hai Dhal Gaya
Jo Dil Jude The Ek Doosre Se Ek Anjani Dor Se
Ye Kaunsa Ehsaas Aaj Un Dilon Ko Chhal Gaya
Kahan Gayi Wo Mohabbat Jo Ek Doosre Se Thi
Aapas Main Kyun Shak Ka Yeh Teer Chal Gaya.